Arrestohen dy dilerë nga Gostivari, u gjendet heroinë

Zyrtarët policorë të Njësitit për tregti të paligjshme të drogës, armëve dhe substancave të rrezikshme pranë DPB Gostivar, pas ndërmarrjes së masave dhe aktiviteteve, afër Urës së Negotinës, zona e fshatit Vrapçisht, Gostivar, mbrëmë në orën 22:40 i privoi nga liria N.D (34) dhe SH.D (50), të dy nga Gostivari, për shkak të dyshimit të bazuar për kryerjen e veprës penale “prodhim dhe lëshim i paautorizuar i barnave narkotike, substancave psikotrope dhe pararendësve”.

Siç është informuar nga MPB-ja, derisa SH.D ishte duke drejtuar automjetin “Pezho”, me targa të Gostivarit, në të cilin ishte pasagjer N.D, nga zyrtarët e policisë u dha shenjë ndalimi, por automjeti nuk u ndal dhe u largua dhe nga ajo u hodh qese me pluhur kafe, lëndë, e cila u gjet dhe u konfiskua. Të dy personat shpejt u arrestuan në DPB Gostivar për procedura të mëtejshme. Pasi të dokumentohet rasti, do të ngrihet parashtresë adekuate kundër tyre.

Read Previous

“Presim të shërohet ose të vdesë dikush që…”, mjeku jep alarmin: Komiteti Teknik të veprojë

Read Next

Anulohet gjykimi për rastin “Monstra”, seanca e radhës më 13 nëntor

Leave a Reply

Your email address will not be published.

%d bloggers like this: